SIBU: Mensia mayuh ke ngembuan patah nyawa ti liut sereta bepengelandik ba dunya pemerindang dipinta datai ngagai pengawa nguji pengelandik (uji bakat) ti diatur LUH Production Sdn Bhd kena 23 April tu.
Nitihka dipadah pengari LUH, Ervina, pekit tu dibu¬ka ngagai mensia mayuh ti enda natak tikas umur lalu deka diatur ba LUH Produc¬tion Sdn Bhd, No 22, Jalai Bako ditu.
“Ba pekit tu, komiti pen¬gawa milih ti betuaika aku empu deka meda penge¬landik ba pengawa belagu bala ke bisi enggau bepekit,” pia ku iya madah ngagai pengarang berita, apin lama tu tadi.
Ku iya, pekit tu deka berengkah diatur ari pukul 2 lemai, ngembuan tuju deka ngiga mensia mayuh kelebih agi bansa Iban ti bisi ngembuan pengelandik ba pengawa belagu.
“Nyerumba enggau nya mega, pekit tu dikandal ulih ngangkatka industri muzik kitai Iban ngambika tau be¬semekih enggau bansa bukai ba makit dagang,” pia ku iya nerangka.
Bala ke bisi ati enggau pekit tu dipinta mai CD lagu kediri empu sereta enda milih bansa lagu kedeka diri empu kelimpah ari ngena ngepan ti engkeman.
Ku Ervina ti mega seiku pengarang leka lagu ti tebi¬lang sitak tu, komiti lebih agi ngemeratka bala ke bisi penau, gaya personaliti ke manah enggau pengelandik maya ke bepekit.
“Kitai ngarapka mensia mayuh kelebih agi bala nem¬biak anang muai awak tu laban pekit tu semina diatur sahari (23 April) nya aja lalu nadai bebayar,” ku iya ma¬dahka baru.
Penerang ti silik tau ditanya ngagai iya empu nengah lu¬mur 0198193811 (jam gawa aja).
- UB
Tiada ulasan:
Catat Ulasan