VCD Baru ‘Sulu Lama Sekula Suba’, Jennarino Jeraki - Golden Pearl

SRI AMAN: Seiku penyanyi ke ngembuan peneleba diri ba pengawa merindang enggau leka lagu, Jennarino Jeraki deka datai baru enggau sada nyawa ke nyelai nengah album VCD baru ke dikumbai ‘Sulu Lama Sekula Suba’ udah bisi ditebah sereta dijual ba pasar.

Jeraki, seiku artis ke nempa nama diri ba pengawa pemerindang nengah kompeni Golden Pearl mega dikelala nengah album Pantun Rayat, sekali tu mandangka diri meruan chakah ba pengawa belagu nengah 11 buah lagu baru dalam album iya sekali tu, ‘Sulu Lama Aku Suba’

Entara lagu ke bisi dalam album nya ‘Cherita’, ‘Sulu Lama Sekula Suba’, ‘Besarung Tinchin Ngikat Semaya’, ‘Anang Nyimpan Ati Cemburu’, ‘Munsang Malam, Indai Endun’, ‘Beraie Ngiga Sulu’, ‘Tau Peda Nuan Ila’, ‘Anang Irau Ati’, ‘Bungai Ros’ sereta ‘Bekeduan’ (duet enggau Suring).

Nitih ku Jeraki, album ‘Sulu Lama Sekula Suba’ke ngena rentak Pop Dangdut, A Go Go, Joget sereta Slow Rock endang engkeman ba asai mensia ke rinduka lagu Iban kemaya hari tu. Berebak enggau nya, Jeraki ngelalau mensia mayuh ke rinduka lagu Iban ngambika enda bebelika album tiru enti deka ngangkatka industri lagu Iban ba menua tu,

“Anang meli album chetak rumpak. Ulah ke baka nya semina ngujungka mayuh artis bansa kitai ngiling tikai sereta ngemuntanka industri muzik Iban jemah ila,” ku iya lebuh dikerandau Utusan Borneo, kemari.

- Berita Diambi Ari Utusan Borneo

Tiada ulasan:

Related Posts Plugin for WordPress, Blogger...