KAUL TUA KELIA – JEFFREY NYALOI

[INTRO KEYBOARD]

[1]  ENTI SEMA KU TAU AJIH
      ARI DI TAGANG AKU BEGELIH
      ASUH BETIKAR SEKEJAP AJA
      TIKAR KE NGAGAI RAMBAU TUA MENYA

[2]  ENTI MULUT PENEKA NYEBUT
      ARI BEGANTI ASUH KU SURUT
      SURUT KE TIGA PULUH TAUN
      NGAMBI TUA ULIH MULA ARI PUN

SAYAU SAYAU SERIBU SAYAU
ENDA NEMU JALAI KE PANGAU LIBAU
NANYA PUNGA MINTA PENGASIH
DINI ENDUR BULIH TINCIN PENGAJIH

[3]  ENTI PENGINGAT ULIH DI TELA
      BA TALI BISIN NGASUH NUAN MEDA
      NGAMBI TUA NYAMAI NENGKILA
      PENGERAPAT KAUL TUA KELIA

[4]  INGAT NUAN TUA AGI MIT
      SAMA ENGGAI PULAI MADI BA PARIT
      TUBUH NUAN GATAR KETUP KERENGIT
      DI KAUS AKU ENGGAU SUGU KEPIT

SAYAU SAYAU SERIBU SAYAU
DIATU ENDA TEMU DINI PENDIAU
TI ENDA PIA UDAH KU LAWA
NYIMPUR KE KAUL TUA KELIA

[LEAD]

[5]  AGI INGAT KE NUAN WAI
      TUA BELANGKAU ATAS TEMANGGAI
      NUAN NGULU KE INDAI BILAI
      AKU BELELAI BA GILING TIKAI

[6]  BISI SEKALI INDAI NUAN NGAGAU
      TUA BELANDA RARI KE SADAU
      NUAN TELIH TEBAK KERIMPAK TAJAU
       DI BALUT AKU NGENA SEMAKAU

SAYAU SAYAU SERIBU SAYAU
PETARA ENDA NINGA KE KEKANGAU
MINTA SAKANG MINTA PENEMU
TI TAU NGASUH TUA BIAK BARU

[7]  TUA MERAU KAYUH ENGGAU JARI
      NUAN NGELUAN AKU NGEMUDI
      NUAN LABUH KAI RARI KE BUNTAK
       AKU TI NGAMBI ENGGAU SABAK-SABAK

[8]  KATI KALA NUAN TEKENANG
      TUA BEREBUT MANDI BA DULANG
      NUAN NYERAUH NGANGAU KE INDAI
      TUNDUK KE AKU ENGGAU BUAH BINJAI

SAYAU SAYAU SERIBU SAYAU
ENDA PEDA MANANG ENGGAU BATU ILAU
ENTI OLIH NGASUH IYA NENGAU
SEMENGAT TUA BARUH PUN SIBAU

[LEAD]

[9]  INGAT NUAN MAYA NYA SUBA
      SEBELAH TANJU TUA MAIN BUTA
      AKU ENGKATING BA UJUNG JUNGKAR
      NUAN KEKUCHAU NGUMBAI KU NGAKAR

[10]  TUA BEMAIN BA UJUNG BILIK
        BETABUR TABUR NGENA KERESIK
        NUAN EMPELEMAN MATA ENDA MEDA
        DI SEMBUR AKU ENGGAU PINANG MUDA

SAYAU-SAYAU SERIBU SAYAU
ENDA ULIH KANGAU NGENA BELIAU
SEMA ILA TUA BEPANSA
ENTI NGELALA ANANG ENGGAI NANYA

[11]  KATI AGI KE NUAN INGAT
        TUA BELANDA NGAGAI SEMEPAT
         NUAN TEPURUK BA LUBANG BESAI
         TARIT KU JARI IRING KU PULAI

[12]  SINU ATI MAYA KU NGINGAT
        AGI MIT SUBA TUA ENDANG RAPAT
        DIATU NADAI KALA BETEMU
        KADA ENDA NUAN DAH BISI UCU

SAYAU SAYAU SERIBU SAYAU
SEMPANDAI ENDA NINGA KE BIAU
MINTA GAGA MINTA IYA NEMPA
NGAMBI TUA BIAK BAKA KELIA

SAYAU SAYAU SERIBU SAYAU
UDAH SELATAN ENDA SERAMBAU
BUJI KAUL TUA DAH PUNTAN
ENDA SALAH TUA BEAMBU ISAN

SAYAU SAYAU SERIBU SAYAU
KAUL TUA SUBA MINA TEBASAU
KELIA NADAI KALA BELEKA
DIATU NADAI KALA BEPEDA
SAYAU SAYAU SERIBU SAYAU

PETARA ENDA NINGA KE KANGAU

Tiada ulasan:

Related Posts Plugin for WordPress, Blogger...