Pengidup Orang Begiga ke Sampah


Baca dalam Bahasa Malaysia


Pun taun 2011 tu tadi kami seduai menyadi aku Don Rekan enda mukai-mukai kami duai deka nemu pengidup orang ba palan endur muai sampah. Lemai nya kami seduai pan belajai ngagai endur orang muai sampah ba Kidurong (Semak enggau Sebatang, Sekula Teknik Bintulu).


Dia kami duai masuk ke kawasan nya enggau kereta. Chukup sinu meda bansa kitai Iban ke mayuh agi begiga ke barang ti ulih diguna tauka barang ti ulih dijual ba palan endur nugungka sampah tu.



Pagi tu aku meda siti Website "Guardian" ti ngenang Pengidup Penggeledah Sampah ba menua Indonesia.


Bantar Gebang alai lebih 2000 iku sebilik diau serta ngiga sampah nyadika pengawa sida. Setiap hari lebih 6000 Tan sampah ditugungka ba endur tu. Bantar Gebang kira-kira 30 kilometer ari Jakarta bandar Indonesia siti palan ti pemadu besai endur melupuska sampah. 

Kerja ngiga sampah (Scavenger) tu ukai nya nyamai serta enda tentu. Dalam seminggu purata gaji sida ianya RM125 (RP 350 000).

Sida bekerja enda milih siang enggau malam begigaka sampah ti ulih beguna. Enti nasib manah bisi tetemuka emas, barang elektrik ke agi manah.

Laban ti chukup merinsa dia sida mega bisi tetemuka pemakai ti agi manah dibai lalu diempa. 
Siku anembiak ti benama Pamulung ngaga satey agi dagin ke dibuai orang. (Gambar di baruh)


Kadang-kadang mega sida tetemuka bangkai urang ti udah parai.

Ba Bantar Gebang tu mayuh sida bepengarap Islam. Tajapan kerja sida dipeda orang kamah, tang sida enda ninggalka sembiang. (Gambar bersembiang)

Aku berasai kagum enggau pengidup orang ke begiga ke sampah tu baik di Bantar Gerbang, ba Palan muai sampah di Sebatang, Kidurong tauka dini-dini endur.

Tuhan selalu merekat kita.













Tiada ulasan:

Related Posts Plugin for WordPress, Blogger...