Nembiak lepas SPM tauka STPM patut nemu milih palan endur nampung pelajar

       Berasai gaga ati lebuh betemu enggau bala nembiak 1st batch IKM Bintulu ti udah konvo bulan 9/2014 tu tadi mujur teulihka pengawa nyampau agi ba projek Petronas LNG Train 9 & SCORE kompeni samalaju di Bintulu. Bisi mega nampung pelajar ringkat Diploma ba German-Malaysia Intitute (GMI) tauka Kolej Kemahiran Tinggi Mara (KKTM), dua iti palan belajar dikembuan MARA ungkup nembiak Bumiputera. Ari statistik institusi kami empu enda kurang ari sebulan graduate ari IKM Bintulu bulih pengawa tebal agi nya ba kompeni swasta. Mina beberapa iku enda gawa/bedau teulihka pengawa labanka nganti nampung pelajar.

       Beberapa iku nembiak ke udah bulih pengawa ba Bintulu tajapan sijil lebuh ditanya aku gaji nyau udah manggai RM3K. Kus ke bisi ba IKM Bintulu ngemeratka bidang Oil & Gasbaka Instrument, Loji, Elektrik,  Fabrikasi Perpaipan & Struktur endang sigi mayuh diguna bidang kemahiran, nyamai ngiga pengawa serta gaji ti manah enti bisi sijil kompeten. Nibuh aku nyemak jauh projek di Bintulu, Sabah-Sarawak Gas Pipeline, MLNG sigi mayuh projek, projek Marlin, Boiler ti berkait enggau program kemahiran ti bisi dilatih ba IKM Bintulu. Beberapa kompeni mega sedia ngambi nembiak praktikal alu terus gawa baka batch 1 suba ianya kompeni Dominant ari Semananjung ti bisi projek ba MLNG, batch ke-2 diatu kompeni ari Profmech Engineering Sdn. Bhd. Batch 3-5 ke diatu benung ba Sem 1-3. 

      Sinu Ngenang Bala Bumiputera enggau Dayak nyamai amai dikeduan orang serta ‘target’ individu/kumpulan ejen palan pelatih ari swasta. Nembiak dipadahka bulih belajar, dikanggau interview biasiswa serta kerja sambil belajar. Dalam surat ke bisi datai nuju rumah sida mega madahka "mendapat peluang kerja / Jaminan Kerja", diwajibkan hadir sampai bala sida telefon nembiak lalu ngasuh nyendiaka duit beberapa ratus dikena yuran proses tauka ungkup sida ke bulih interview kelimpah nyendiaka dokumen penting baka result SPM/STPM/Kad Pengenalan dsb.

      Palan-palan interview baka Pejabat MARA, Pejabat Residen enggau Dewan Suarah mega ngasuh bala nembiak serta apai indai keliru. Modus operandi sekeda kolej swasta tu ngena upis perintah ngambika orang lebih percaya. 

     Sekeda program ba kolej swasta bisi kerjasama enggau IPTA baka ari UTM, UPM tang kolej swasta patut meri penerang enggau jelas ngagai nembiak. Bala nembiak tauka apai indai indai patut mayuh bertanya enggau orang bukai senentang program serta kolej ke diambi anak sida laban sekeda kolej nguna nama MARA, Yayasan dikena ngelakuka kolej sida. Perkara tu kita tau bertanya enggau upis Mara empu laban enda semua palan pelatih bisi dibantu Mara. Sida Mara bisi list institusi ke ulih dibantu nitihka palan belajar serta program ke diambi. 

     Dalam kandang beberapa tahun ti udah beberapa kolej udah disenarai hitam nipu ngambi pelajar ngena nama Mara. Kementerian Pengajian Tinggi berita 13/03/2010 mega madahka penyampau 60 buah pendaftaran kolej swasta dibatalka laban mayuh penyalah. Setiap tahun ambis kurang 20 buah kolej swasta nya tadi dibatalka laban enda nitihka atur. 

    Beterima kasih ngagai Tabung Ekonomi Gagasan Anak Bumiputera Sarawak (TEGAS) ti udah dipejadika 2012 tu tadi mantu belia Sarawak meri penerang Pendidikan Teknikal & Latihan Vokasional (TEVT) ba aspek gawa ke dipilih, enggau bantu diberi aku nyukung jaku pengerusi TEGAS empu nadai alasan belia lepas sekolah tajapan gagal untuk belajar ba institusi ti bertauliah.

Gambar ba Wap Seperis Kapit
     Dua minggu ke udah mega aku ke menua Kapit, pia mega limpang enda lama ke SMK Song. Keterubah aku ke Kapit tahun kemari bisi mega 2 hari program sekula angkat ba SMK Selirik. Gaga amat laban ulih bekunsi enggau nembiak lebih-lebih agi form 5 ke deka nampung pelajar udah ambis SPM. 

       Ba entri tu UKAI eti ia aku tu tadi enda bersetujuka bala bumiputera tauka Dayak belajar ba Swasta, aku mega siku gradutate ari swasta. Mina aku sinu tebal bala nembiak tu tadi keliru enggau promosi ari swasta lalu salah silih kus. Suba madah "Elaun Sara Diri" diatu madah pinjaman. Bisi beza elaun, biasiswa enggau pinjaman. Swasta mega palan ke manah endur belajar mina aku sinu meda bala nembiak enti nyema salah pilih. Apai indai enda mampu melanja anak sida laban kus ti mar tambah mega enti jauh endur belajar. Dua tiga sem nyau badu laban enda mampu. Pia mega sekeda kolej enda meri penerang ke patut pasal elaun sara diri, pasal biasiswa, pinjaman serta yuran belajar. 

        IPTa tauka IPTs sama manah endur nampung pelajar. Tentuka kus ke diambi nuan nya kus ke dikerinduka nuan dikena nuan ngiga pengawa/kerja udah ambis belajar. Pia mega selidik dulu institusi/kolej tauka universiti ke dipilih nuan serta bisi iktiraf ari Jabatan Pembangunan Kemahiran (JPK) suba dikumbai orang MLVK, Senat, Jabatan Perkhidmatan Awam (JPA), Malaysian Qualifications Agency (MQA), DOSH dsb nitihka kesesuaian program enggau requirement kerja perintah/swasta ti bekait. Tau nitih ke kaban milih palan belajar tang tentuka nuan mega rinduka kus ke diambi nya, anang semina nitih kaban aja. Giga kus ke bisi 'market' nyamai bulih pengawa ngambika nuan enda kalat-kalat ngiga kerja, lama menganggur kin kia laban salah kus ke diambi nyau ngujungka nuan mayuh berutang nginjau duit PTPTN serta terpaksa milih pengawa bukai ti enda setimpal enggau Sijil/Diploma/Degree ke diambi nuan. 

       Dia aku nyau sinu sida enda ngasai nyadi graduate dikumbai milih pengawa. Kumbai sida nyamai kitai ke belajar. Kitai belajar tinggi laban ke ka kerja ke manah, Amat? Nya kebuah aku siku orang ke berani bejaku enti nyema sida ngumbai graduate tu milih pengawa, lama menganggur dsb laban aku mega kala ngasaika utai tu. Bisi mega ke sigi amat kelalu milih kerja tang mayuh agi dipeda aku bala graduate enda dikanggau interview, polisi ngambi kerja ba sebengkah sektor mega baka ke enda meri peluang ngagai graduate ke bisi pengelandik dalam pengawa ke dipinta. 

      Nyau panjai asai aku karang tu, kita pan lelak macha kelalu panjai mina pesan ke penudi ari aku, nadai utai ti terus datai ngagai kitai enti kitai enda kala minta. Baka kitai bulih belajar ba IPTA, bulih SPA utai nya mestika nuan kala minta nenggah online baru nuan percaya nuan bisi ditawarkan. Enti nuan enda kala minta, utai nya alu datai selidik betul-betul. 

***Minta ampun Bahasa Iban aku kurang mina tuju karang tu bekunsi enggau bala nembiak, bala pengajar serta apai indai ti bisi macha.

Tiada ulasan:

Related Posts Plugin for WordPress, Blogger...